ទីផ្សារអចលនទ្រព្យក្រុងពោធិ៍សាត់វិវត្តន៍ពីការពុះឡូតិ៍ទៅជាគម្រោងអភិវឌ្ឍន៍លំនៅឋាន

ពង្រីកតូរអក្សរ : A Decrease font size. A Reset font size. A Increase font size.

ខេត្តពោធិ៍សាត់៖  និន្នាការនៃទីផ្សារអចលនទ្រព្យក្នុងក្រុងពោធិ៍សាត់នារយៈពេលពីឆ្នាំចុងក្រោយនេះបានវិវត្តន៍ពីការ​ពុះដីឡូតិ៍ ទៅជា​ការវិនិយោគលើគម្រោងអភិវឌ្ឍន៍លំនៅឋានដែលមានតម្លៃទាប និងមធ្យម ដើម្បីឆ្លើយតបទៅនឹងតម្រូវការ​ទីផ្សារ​។ នេះបើតាមអ្នកឯកទេសដីធ្លីប្រចាំខេត្តពោធិ៍សាត់។

លោកប៊ឹក ពោធិ៍ ប្រធានសាខាក្រុមហ៊ុនអចលនទ្រព្យ Century 21 Zillion Holding ប្រចំាខេត្តពោធិ៍សាត់ បានឱ្យដឹងថា គម្រោងអភិវឌ្ឍន៍លំនៅឋានប្រហែលចំនួនប្រាំគម្រោង ដែលសុទ្ធសឹងជាការវិនិយោរបស់វិនិយោគិន​ក្នុងស្រុក មានដូចជា​ម្រោង ភូពុយ អ៉ិន​វេសមិន ខូអិលធីឌី, វីឡាទំនើបរតនៈសម្បត្តិ និង​គម្រោងលំនៅឋានភូមិឋានក្រវ៉ាន់ជាដើម។

លោកប៊ឹក ពោធិ៍ ប្រធានសាខាក្រុមហ៊ុនអចលនទ្រព្យ Century 21 Zillion Holding ប្រចំាខេត្តពោធិ៍សាត់

លោកពោធិ៍ ថ្លែងថា៖ «ពីមុននៅក្រុងពោធិ៍សាត់សំបូរតែការពុះដីឡូតិ៍លក់ ប៉ុន្តែពីរចុងក្រោយនេះចាប់ផ្តើមមានការវិនិយោគទៅលើលំនៅឋាន ហើយនេះជាការវិវត្តន៍ថ្មីនៃទីផ្សារអចលនទ្រព្យក្នុងក្រុងពោធិ៍សាត់ ដែលធ្វើឱ្យទីផ្សារដីធ្លីកាន់តែមានកំណើនល្អ»។

​លោកបន្តថា គម្រោងទាំងនេះជា​ប្រភេទផ្ទះ​ល្វែង និងវីឡា ហើយភាគច្រើនផ្តោតលើទីផ្សារក្នុងស្រុក និង​អ្នកចំណូលខាងក្រៅដែលចូលមករស់នៅ និងការធ្វើអាជីវកម្ម។ លោកបន្ថែមថា ទីផ្សារ​លំនៅឋានក្នុងក្រុងពោធិ៍សាត់មានតម្លៃចាប់ពី ២,៨០០០ ដុល្លារ រហូតដល់ ៧,៨០០០ ដុល្លារក្នុងមួយល្វែង ដោយអាស្រ័យទៅតាមប្រភេទនៃផ្ទះ។

បើតាមអ្នកឯកទេសដីធ្លីរូបនេះ តម្លៃដីដាក់លក់ក្នុងក្រុងពោធិ៍សាត់នាពេលបច្ចុប្បន្នមានតម្លៃជាមធ្យមចាប់ពី ៣៥០ ដុល្លារ​ ទៅ ១,០០០ដុល្លារក្នុងមួយការ៉េ ដោយអាស្រ័យលើទីតាំងនៃដី ហើយតម្លៃនេះកើនឡើងប្រមាណ ២៥ភាគរយ បើធៀបនឹងឆ្នាំមុន។

 

Leave a Reply

Your email address will not be published. Required fields are marked *