ការវិនិយោគលើវីស័យសំណង់ អចលនទ្រព្យ បង្ហាញការឡើងវិញតិចតូច

Admin 06/September/2022 16:00
ចែករំលែក

របាយការណ៍ប្រចាំឆមាសទី១ ឆ្នាំ២០២២ របស់ធនាគារជាតិនៃកម្ពុជាបានបង្ហាញថាការវិនិយោគក្នុងវិស័យសំណង់ -អចលនទ្រព្យ​ ទទួលបានកំណើនវិជ្ជមានឡើងវិញ ប៉ុន្តែល្បឿននៃការវិនិយោគហាក់មានភាពយឺតយ៉ាវនៅឡើយ បន្ទាប់ពីទទួលរងផល​ប៉ះពាល់ដោយសារកូវីដ-19។​

តាមការសិក្សារបស់អ្នកជំនាញធនាគារជាតិនៃកម្ពុជា បានបញ្ជាក់នៅក្នុងរបាយការណ៍នេះថា វិស័យសំណង់ អចលនទ្រព្យ ទទួលបានកំណើនវិជ្ជមានឡើងវិញនាពេលនេះ គឺដោយសារការងើបឡើង វិញនៃរំហូរវិនិយោគ បរទេស កំណើនឥណទានទៅកាន់វិស័យសំណង់ ការកើនឡើងវិញនៃប្រាក់ចំណូលក្នុងស្រុក និងការងើបឡើងវិញជាបណ្តើរៗនៃកំណើនភ្ញៀរទេសចរណ៍អន្តរជាតិ។

បើតាមរបាយការណ៍ តម្លៃលំនៅឋាននៅកម្ពុជាពុំសូវមានភាពប្រែប្រួលខ្លាំងនោះទេ ដែលក្នុងនោះ តម្លៃលំនៅឋាននៅរាជធានីភ្នំពេញបានបង្ហាញការកើនឡើងជាង៣ ភាគរយ ធៀបនឹងឆ្នាំមុន។ កត្តានេះបានឆ្លុះបញ្ចាំងពីតម្រូវការក្នុងស្រុកជាពិសេស សំណង់លំនៅឋានដែលមានតម្លៃទាប និងមធ្យម។

ប្រភពដដែលបានបញ្ជាក់ទៀតថា ចំពោះសកម្មភាពលក់លំនៅឋានប្រភេទផ្ទះល្វែង វីឡាភ្លោះនិងវីឡាទោល មានការកើនឡើង១២ ភាគរយ ខណៈដែលការលក់ខុនដូនៅបន្តថយចុះជាង ៤០ ភាគរយ៕  ​

អត្តបទប្រភេទ៖

👉👉👉 ចុច Subscribe ឆានែល Telegram របស់ Z1News ដើម្បីទទួលបានព័ត៌មានថ្មីៗទាន់ចិត្ត

ពាក្យទាក់ទង