ភាសាខ្មែរ 
English 
គម្រោងអភិវឌ្ឍន៍ផ្លូវជាតិលេខ១០ ដែលតភ្ជាប់ខេត្តសំខាន់ៗបី គឺខេត្តកោះកុង-ពោធិ៍សាត់-បាត់ដំបង នឹងក្លាយជាបណ្តាញចរាចរណ៍ទំនិញ និងមនុស្សដ៏សំខាន់ ដែលនឹងបង្កើនភាពទាក់ទាញសម្រាប់វិស័យទេសចរណ៍ និងទិសដៅវិនិយោគថ្មីនាពេលខាងមុខ។
ផ្លូវជាតិលេខ១០ មានទទឹងផ្លូវ៩ ម៉ែត្រ និងប្រវែង ១៩៨ គីឡូម៉ែត្រ ដែលឆ្លងកាត់ ស្រុកសំឡូត ខេត្តបាត់ដំបង ឃុំអូរសោម ស្រុកវាលវែង នៃខេត្តពោធិ៍សាត់ រហូតដល់ក្រុងខេមរភូមិន្ទ ខេត្តកោះកុង។ ផ្លូវនេះអភិវឌ្ឍន៍ជាផ្លូវក្រាលកៅស៊ូពីរស្រទាប់ (BDST) ដែលបានចាប់ផ្តើមបើការដ្ឋានសាងសង់កាលពីខែធ្នូ ឆ្នាំ២០១៩ ហើយគ្រោងចំណាយលើការសាងសង់ប្រហែល ១៨៨ លានដុល្លារ។
បច្ចុប្បន្នផ្លូវជាតិលេខ ១០ សាងសង់បានជាង៥០ភាគរយ ហើយតាមការគ្រោងទុកផ្លូវនេះត្រូវប្រើពេលសាងសង់រយៈពេល ៤៨ ខែ ឬស្មើនឹង ៤ ឆ្នាំ ដោយគិតចាប់ពីថ្ងៃបើកការដ្ឋានសាងសង់។
ផ្លូវជាតិលេខ ១០មិនត្រឹមតែមានសម្រស់ធម្មជាតិ និងព្រៃភ្នំអមសងខាងដ៏ស្រស់ស្អាតប៉ុណ្ណោះទេ ទីតាំងដីនៅតាមបណ្តោយផ្លូវនេះក៏មានអំណោយផលដល់ដំណំាកសិកម្មជាច្រើនប្រភេទផងដែរជាពិសេស តំបន់អូរសោម និងស្រុកសំឡូត ដែលមានទាំងចម្ការពោត ដំឡូងមី និងធុរេនជាដើម។
កំណាត់ផ្លូវជាតិលេខ ១០ ស្ថិតក្នុងឃុំអូរសោម ស្រុកវាលវែង។ រូបភាព៖ Z1News
ថ្លែងក្នុងពិធីបើកការដ្ឋានសាងសង់ផ្លូវជាតិលេខ ១០ កាលពីខែធ្នូ ឆ្នាំ២០១៩ សម្តេចហ៊ុន សែន បានបញ្ជាក់ថា តំបន់ផ្លូវជាតិលេខ ១០ នឹងក្លាយជាតំបន់មានការអភិវឌ្ឍន៍មួយនៅក្នុងកម្រិតខ្ពស់នៅពេលអនាគត ដោយសារតំបន់នេះមានផ្លូវដឹកជញ្ជូន និងមានអគ្គិសនីគ្រាប់គ្រាន់ ដែលមានអំណោយផលសម្រាប់ការវិនិយោគលើរោងចក្រ។
រដ្ឋាភិបាលកម្ពុជា ធ្លាប់បានបង្ហើបពីផែនការបើកច្រកព្រំដែនថ្មដា តភ្ជាប់ខេត្តពោធិ៍សាត់ និងខេត្តត្រាត ប្រទេសថៃ ដើម្បីសម្រួលពាណិជ្ជកម្មព្រំដែនរវាងប្រទេសទាំងពីរ ស្របពេលដែលទំហំពាណិជ្ជកម្មរវាងកម្ពុជា ជាមួយនឹងថៃមានប្រមាណជា ៧ ពាន់លានដុល្លារ ក្នុងរយៈពេលប៉ុន្មានឆ្នាំចុងក្រោយនេះ។
កំណាត់ផ្លូវជាតិលេខ ១០ ស្ថិតក្នុងឃុំអូរសោម ស្រុកវាលវែង។ រូបភាព៖ Z1News
កំណាត់ផ្លូវជាតិលេខ ១០ ស្ថិតក្នុងឃុំអូរសោម ស្រុកវាលវែង។ រូបភាព៖ Z1News
កំណាត់ផ្លូវជាតិលេខ ១០ ស្ថិតក្នុងស្រុកសំឡូត ខេត្តបាត់ដំបង។ រូបភាព៖ Z1News
កំណាត់ផ្លូវជាតិលេខ ១០ ស្ថិតក្នុងស្រុកសំឡូត ខេត្តបាត់ដំបង។ រូបភាព៖ Z1News
ចម្ការពោត នៅជិតជើងភ្នំ ស្ថិតក្នុងស្រុកសំឡូត តាមបណ្តោយផ្លូជាតិលេខ ១០។ រូបភាព៖ Z1News
ចម្ការដំឡូងមី នៅជិតជើងភ្នំ ស្ថិតក្នុងស្រុកសំឡូត តាមបណ្តោយផ្លូជាតិលេខ ១០។ រូបភាព៖ Z1News
