ភ្នាក់ងារអចលនទ្រព្យឆ្នើមជាងគេនៅអាមេរិកសម្រេចការលក់ជាង ១ ពាន់លានដុល្លារក្នុងមួយឆ្នាំ

ក្រុម​​ភ្នាក់ងារអចលនទ្រព្យពី​សម្ព័ន្ធ​ក្រុមហ៊ុនអចលនទ្រព្យ Coldwell Banker បានក្លាយជាក្រុម​ចំណានជាងគេ​នៅអាមេរិកកាលពីឆ្នាំមុន ដោយសម្រេចការលក់អចលនទ្រព្យសុទ្ធតែប្រណិតៗ មានតម្លៃ​ដល់ទៅជាង ១,២៣ ពាន់លានដុល្លារក្នុងមួយឆ្នាំ។ នេះបើតាមការវាយតម្លៃពីស្ថាប័ន REAL Trends។

លទ្ធផលនេះបង្ហាញថាក្រុមអ្នកជំនាញអចលនទ្រព្យពីក្រុមហ៊ុនល្បីៗប្រកបដោយវិជ្ជាជីវៈ​ នៅតែអាចសម្រេចកំណើនការលក់ល្អ​ បើ​ទោះបីជា​​ពិភពលោកកំពុងប្រឈមស្ថានភាពមិនអំណោយផល​ពី​ការឆ្លងរាល​ដាលជំងឺកូវីដ ១៩ ក្តី ។

ក្រុម​ភ្នាក់ងារអចលនទ្រព្យរបស់ក្រុមហ៊ុន Coldwell Banker ដែល​ឈរលេខរៀងទី១នេះ មានឈ្មោះថា The Jills Zeder Group ហើយ​បានជាប់ឈ្មោះក្នុងចំណោមក្រុម​ភ្នាក់ងារអចលនទ្រព្យលំដាប់កំពូលពីក្រុមភ្នាក់ងារ​អចលនទ្រព្យផ្សេងៗគ្នា ២៥០ នៅទូទាំងសហរដ្ឋអាមេរិក។ (ចុចទីនេះមើលតារាង​នៃក្រុមភ្នាក់ងារអចលនទ្រព្យអាជីព​មកពីក្រុមហ៊ុនផ្សេងៗគ្នា​ ដែលសម្រេចការលក់បានក្នុងឆ្នាំ២០២០) 

ក្រុម​ភ្នាក់ងារអចលនទ្រព្យរបស់ក្រុមហ៊ុន Coldwell Banker ដែលមានឈ្មោះថា The Jills Zeder Group ​សម្រេចការលក់ច្រើនជាងគេនៅអាមេរិក

លោក Ryan Gorman ប្រធាន និងជានាយកប្រតិបត្តិក្រុមហ៊ុន Coldwell Banker Real Estate LLC បានថ្លែងថា​៖ «សមិទ្ធិផលនេះជាសក្ខីភាព​ដែលបង្ហាញពីឯកទេស វិជ្ជាជីវៈ ព្រមទាំងការលះបង់កម្លាំងកាយ និងពេលវេលាយ៉ាងខ្ជាប់ខ្ជួនដើម្បីផ្តល់សេវាកម្ម ក្នុងនាមជាអ្នកប្រឹក្សាយោបល់ដ៏មានទំនុកចិត្តដល់អតិថិជន។» លោកបន្តថា៖ «ពិតជាស្ញប់ស្ញែងមែនទែន ដែលមានក្រុមការងារ​​ជាផ្នែកនៃគ្រួសាររបស់ Coldwell Banker។»

តាមទិន្ន័យរបស់ស្ថាប័ន REAL Trends បានបញ្ជាក់ថា គ្រាន់តែ​រយៈពេលជាង ៤ ខែ​ (១ មករា ដល់ ១១​ ឧសភា) ឆ្នាំ២០២១​ ក្រុមភ្នាក់ងារអចលនទ្រព្យអាជីព​  The Jills Zeder Group សម្រេចការលក់ក្នុងទំហំទឹកប្រាក់លើសពី ១ពាន់លានដុល្លាររួចទៅហើយ ដែលកត្តានេះទំនងអាចបំបែកកំណត់ត្រា​លក់អចលនទ្រព្យដែលមានទំហំទឹកប្រាក់ច្រើនជាងគេប្រចាំឆ្នាំ ២០២១ នេះទៀត។

ក្រុមភ្នាក់ងារអចលនទ្រព្យរបស់ក្រុមហ៊ុន​ Coldwell Banker សុទ្ធតែជាអ្នកជំនាញ និងមានឯកទេសខាងលក់អចលនទ្រព្យតម្លៃ​រាប់លានដុល្លារ។ កត្តានេះឆ្លុះបញ្ជាំងពីទំនុកចិត្តលើម៉ាកយីហោរបស់ក្រុមហ៊ុន ដែលប្រមូលផ្តុំដោយភ្នាក់ងារជំនាញ និងប្រកបដោយវីជ្ជជីវៈខ្ពស់​ ក្នុងការតំណាងឱ្យអ្នកទិញ និងអ្នកលក់ដល់ម្ចាស់ទ្រព្យដែលមានទ្រព្យសម្បត្តិស្តុកស្តម្ភនៅសហរដ្ឋអាមេរិក។

ម៉ាកយីហោក្រុមហ៊ុនអចលនទ្រព្យលំដាប់អន្តរជាតិមួយនេះក៏បានបើកការរិយាល័យរបស់ខ្លួននៅក្នុងទីផ្សារកម្ពុជារួចហើយ​កាលពីខែសីហា ឆ្នាំ២០២០ ដោយប្រតិបត្តិការក្រោមឈ្មោះ Coldwell Banker Cambodia។ ក្រុមភ្នាក់ងារអចលនទ្រព្យជំនាញពី Coldwell Banker Cambodia ក៏បានសម្រេចប្រតិបត្តិការទិញ លក់ និងជួលអចលនទ្រព្យប្រណិតៗជាច្រើននៅកម្ពុជាផងដែរគិតមកទល់ពេលនេះ៕  (អានបន្ថែម)