Century 21 Real Estate ក្លាយជាម៉ាកយីហោក្រុមហ៊ុននាំមុខគេក្នុងវិស័យអលនទ្រព្យលើពិភពលោក

ប៊ុនធឿន 09/July/2021 16:22
ទស្សនា
ចែករំលែក

ក្រុមហ៊ុន Century 21 Real Estate LLC ដែលមានមូលដ្ឋាននៅសហរដ្ឋអាមេរិក  ទទួលបានចំណាត់ថ្នាក់ទី៧ ជាក្រុមហ៊ុនដែលមានម៉ាកយីហោពង្រីកប្រតិបត្តិការអាជីវកម្មច្រើនជាងគេ​ ក្នុងចំណោមក្រុមហ៊ុនលំដាប់ពិភពលោកសរុប ២០០ ក្រុមហ៊ុនប្រចាំឆ្នាំ២០២១។ នេះបើតាមការវាយតម្លៃពីទស្សនាវដ្តីដ៏ល្បីរបស់អាមេរិក Entrepreneur

តាមការវាយតម្លៃពីក្រុមអ្នកជំនាញទស្សនាវដ្តី Entrepreneur បានបញ្ជាក់ថា ក្រុមហ៊ុនដែលទទួលបានចំណាត់ថ្នាក់ប្រចាំឆ្នាំ២០២១នេះ ផ្អែកលើចំនួននៃការពង្រីកប្រតិបត្តិការអាជីវកម្មរបស់ក្រុមហ៊ុននីមួយៗនៅទូទាំងពិភពលោកគិតត្រឹមខែកក្កដា ឆ្នាំ២០២០ និងការវាយតម្លៃទៅលើកត្តាផ្សេងៗទៀតដូចជា ការពង្រឹងកេរ្តិ៍ឈ្មោះ ឬម៉ាកយីហោក្រុមហ៊ុន​ ភាពរឹងមាំ និងស្ថេរភាពហិរញ្ញវត្ថុក្រុមហ៊ុនជាដើម។

ម៉ាកយីហោក្រុមហ៊ុនដែលទទួលបានចំណាត់ថ្នាក់ពិភពលោកនេះ សុទ្ធសឹងជាក្រុមហ៊ុនដែលលក់សិទ្ធិធ្វើអាជីវកម្ម (ឬហៅថា Franchise) តាមប្រភេទវិស័យ និងសេវាកម្មផ្សេងៗគ្នា។ ក្រុមហ៊ុនដែលជាប់ចំណាត់ថ្នាក់ទី១ ដល់ទី៦ ជាប្រភេទអាជីកម្មក្នុងវិស័យ ម្ហូបអាហារ​ មានដូចជា McDonald’s KFC និង Pizza Hut ជាដើម។ ម៉ាកយីហោ Pizza Hut នឹងបើកដំណើរការនៅកម្ពុជាឆាប់ៗនេះ។

បើគិតតែវិស័យអចលនទ្រព្យ មានតែម៉ាកយីហោ Century 21 ប៉ុណ្ណោះដែលជាប់ចំណាត់ថ្នាក់ទី១ ក្នុងការពង្រីកប្រតិបត្តិការអាជីវកម្មរបស់ខ្លួនច្រើនជាងគេនៅលើពិភពលោក។ ជាក់ស្តែង បើតាមទិន្ន័យទស្សនាវដ្តី Entrepreneur គិតត្រឹមឆ្នាំ២០២០ ក្រុមហ៊ុន  Century 21 Real Estate លក់សិទ្ធិធ្វើអាជីវកម្មល់ក្រុមហ៊ុន ១១ ៤៣៥ ក្រុមហ៊ុន ទាំងនៅសហរដ្ឋអាមេរិក និងបណ្តាប្រទេសនៅលើពិភពលោក ។ (សូមមើលតារាងទិន្ន័យ)

ម៉ាកយីហោ Century 21 ស្ថិតក្នុងចំណោមក្រុមហ៊ុនកំពូលៗលើពិភពកលោកដែលបានពង្រីកប្រតិបត្តិការអាជីវកម្មច្រើនជាងគេ។ ទិន្ន័យ Entrepreneur

ម៉ាកយីហោក្រុមហ៊ុននេះក៏កំពុងរួមចំណែកដ៏សំខាន់ដល់វិស័យអចលនទ្រព្យនៅកម្ពុជាផងដែរ​ ដែលបានបើកដំណើរការតាមរយៈក្រុមហ៊ុន Century 21 Cambodia។ បច្ចុប្បន្នក្រុមហ៊ុននេះ បានសម្រេចលក់សិទ្ធិធ្វើអាជីវកម្មដល់ក្រុមហ៊ុន ២៣ ក្រុមហ៊ុននៅកម្ពុជា។ យីហោក្រុមហ៊ុន Century 21 កំពុងដំណើរការនៅគ្រប់តំបន់នៅកម្ពុជា ដោយរួមមាន ១៤ ខណ្ឌនៅភ្នំពេញ និង ២៤ តាមបណ្តាខេត្តទូទាំងប្រទេស។

សូមជម្រាបដែរថា​ ក្រុមហ៊ុន Century 21 Cambodia បានទទួលពានរង្វាន់ជា ក្រុមហ៊ុនមានកេរ្ត៍ឈ្មោះ (ឬម៉ាកយីហោ) ឆ្នើមជាងគេបំផុតក្នុងវិស័យអចលនទ្រព្យប្រចាំឆ្នាំ ២០២០ របស់ទស្សនាវដ្តី The Global Economics មានមូលដ្ឋាននៅអង់គ្លេស។ (ចុចអានបន្ត)

អត្តបទប្រភេទ៖

👉👉👉 ចុច Subscribe ឆានែល Telegram របស់ Z1News ដើម្បីទទួលបានព័ត៌មានថ្មីៗទាន់ចិត្ត

ពាក្យទាក់ទង