គម្រោងខុនដូជិត ២០ គម្រោងបន្តសាងសង់ដើម្បីបញ្ចប់តាមផែនការ

ប៊ុនធឿន 08/July/2021 16:01
ទស្សនា
ចែករំលែក

គម្រោងអភិវឌ្ឍន៍ខុនដូប្រមាណជិត ២០គម្រោង ដែលមានបន្ទប់ស្នាក់នៅសរុបជាង ៧ ពាន់យូនីត គ្រោងនឹងបញ្ចប់​ការសាងសង់​នៅចុងឆ្នាំនេះដើម្បីផ្គត់ផ្គង់ក្នុងទីផ្សារ។ នេះបើតាមការសិក្សារបស់ក្រុមហ៊ុនក្នុងវិស័យអចលនទ្រព្យ។

អ្នកជំនាញមើលឃើញថា កំណើន​ខុនដូគ្រោងដាក់បញ្ជូលក្នុងទីផ្សារនៅចុងឆ្នាំនេះ នឹងធ្វើឱ្យតម្លៃទីផ្សារកាន់តែមានការប្រកួតប្រជែង ស្របពេលមានការរំពឹងទុកជាច្រើនថា​ការ​ងើបឡើងវិញនៃទីផ្សារអចលនទ្រព្យនឹងអាចកើតមាន​នៅដើមឆ្នាំក្រោយ។

របាយការណ៍ CBRE Cambodia ដែលសិក្សាពីទិដ្ឋភាពទីផ្សារអចលនទ្រព្យនៅភ្នំពេញពាក់កណ្តាលឆ្នាំ២០២១​ បានបង្ហាញថា​ ខុនដូ១៧ គម្រោង ដែលមានបន្ទប់ស្នាក់នៅសរុប ៧ ៩០៩ យូនីត រំពឹងបញ្ចប់រួចរាល់នៅចុងឆ្នាំនេះ។ ហើយខុនដូទាំងនេះភាគ​ច្រើនស្ថិតនៅកណ្តាលរាជធានីភ្នំពេញ។

តាមរបាយការណ៍ ក្នុងចំណោមខុនដូសរុប​ ១៧ គម្រោង មាន៥ គម្រោងបានបញ្ចប់ការសាងសង់រួចរាល់នៅក្នុងឆមាសទី១​ឆ្នាំនេះ។ ខុនដូដែលបានបញ្ចប់ការសាងសង់ទាំង ៥ គម្រោងនេះ មានបន្ទប់ស្នាក់នៅសរុប ១ ២៧៣ យូនីត ឬស្មើនឹង ១៦ ភាគរយ នៃយូនីត​ខុនដូសរុប ៧ ៩០៩ យូនីត។

ក្នុងត្រីមាសទី១ ឆ្នាំ២០២១ ខុនដូកម្រិតខ្ពស់ (prime condo rents) មានតម្លៃដាក់ជួល ១២,៣៥ ដុល្លារក្នុងមួយម៉ែត្រការ៉េ ក្នុងមួយខែ។  នេះបើតាមCBRE។ (មើលតារាងតម្លៃលក់ និងជួល តាមកម្រិតខុនដូនីមួយៗ)

អត្តបទប្រភេទ៖

👉👉👉 ចុច Subscribe ឆានែល Telegram របស់ Z1News ដើម្បីទទួលបានព័ត៌មានថ្មីៗទាន់ចិត្ត

ពាក្យទាក់ទង