ផែទេសចរណ៍អន្តរជាតិដំបូងគេនៅកំពតនឹងបញ្ចប់ការសាងសង់នៅចុងឆ្នាំក្រោយ

ប៊ុនធឿន 01/December/2020 13:27
ទស្សនា
ចែករំលែក

កំពត៖  ផែទេសចរណ៍អន្តរជាតិដំបូងគេនៅកម្ពុជាដែលកំពុងសាងសងនៅស្រុកទឹកឈូរ ខេត្តកំពត សម្រេចបាន ៥៥ ភាគរយហើយគិតមកទល់ពេលនេះ ហើយរំពឹងថា​នឹងបញ្ចប់រួចរាល់នៅចុងឆ្នាំក្រោយ។

លោក ហេង​ សុធី ប្រធាននាយកដ្ឋានរចនាសម័្ពន្ធផ្លូវទឹក និងសំណង់កំពង់ផែ នៃក្រសួងសាធារណការ និងដឹកជញ្ជូន ត្រូវបានការសែតខ្មែថាមស៍ ដកស្រង់សម្តីកាលពីថ្ងៃទី៣០ ខែវិច្ឆិកា ថា ល្បឿននៃការសាងសង់កំពង់ផែទេសចរនេះមានភាពយឺតយ៉ាវជាងផែនការដើមបន្តិច ដោយសារបញ្ហាកូវីដ ១៩។ យ៉ាងណាក៏ដោយ ការសាងសង់នាពេលនេះសម្រេចបានជាងពាក់កណ្តាលហើយ។

លោកថ្លែងថា៖ «ការសាងសង់រចនាសម្ព័ន្ធនៃគម្រោងទាំងមូលរំពឹងថានឹងបញ្ចប់នៅត្រីមាសទី ៣ ឆ្នាំក្រោយ ហើយអាចដាក់ឱ្យដំណើរការនៅដើមឆ្នាំ២០២២»។​

ផែអន្តរជាតិនេះស្ថិតនៅស្រុកទឹកឈូ ខេត្តកំពត ធ្វើឡើងលើផ្ទៃដីចំនួន ៤ ហិកតា ហើយចំណាយទឹកប្រាក់​ ៨ លានដុល្លារ ដោយទទួលបានកម្ចីពីធនាគារ​អភិវឌ្ឍន៍អាស៊ី(ADB)។ គម្រោងផែនអន្តរជាតិនេះអាចទទួលចតនាវាដែលផ្ទុកអ្នកដំណើរពី ៣០០ ទៅ៤០០នាក់ ហើយអាចទទួលភ្ញៀវទេសចរប្រមាណ១ពាន់នាក់ក្នុងមួយថ្ងៃនៅពេលចាប់បើកដំណើការដំបូង។

ទិន្នន័យពីរដ្ឋាបាលខេត្តកំពតបានបង្ហាញថាក្នងឆ្នាំ ២០១៩ ខេត្តជាប់សមុទ្រមួយនេះទទួលបានភ្ញៀវទេសចរសរុបជាង១លាន៦សែននាក់ ដែលក្នុងនោះភ្ញៀវទេសចរអន្តរជាតិមានជាង ១៧​ ម៉ឺននាក់។ ភ្ញៀវទេសចរបរទេសចំណាយជាមធ្យម ១០០ ដុល្លារក្នុងមួយដំណើរកម្សាន្ត។​

យោងតាមរដ្ឋបាលខេត្តកំពត ផែ​ទេសចរណ៍​អន្តរជាតិថ្មីនេះ ជាកំពង់ផែទី៤ក្នុងខេត្តកំពត ហើយជួយសម្រួលដល់ការទាក់ទាញ​ភ្ញៀវទេសចរ​បរទេស​ពី​វៀតណាម និងថៃ។ កំពង់ផែបីផ្សេងទៀតរួមមាន កំពង់ផែ វិញហួរ សម្រាប់​ដឹកជញ្ជូន​ទំនិញ​តាមកប៉ាល់ធំៗ, កំពង់​ផែ​របស់​ឧកញ៉ា ទ្រី ភាព​ សម្រាប់​ដឹកជញ្ជូនប្រេងចូល​ និងកំពង់ផែរបស់​ជំទាវ កែវ ម៉ាលី សម្រាប់​ដឹកជញ្ជូន​នាំចេញស្រូវ និង​ផលិតផល​ផ្សេងៗចេញចូលប្រទេសថៃ៕

អត្តបទប្រភេទ៖

👉👉👉 ចុច Subscribe ឆានែល Telegram របស់ Z1News ដើម្បីទទួលបានព័ត៌មានថ្មីៗទាន់ចិត្ត

Kampot international port
ពាក្យទាក់ទង