អត្ថប្រយោជន៍ទាំងនេះជាមូលហេតុដែល​គួរប្រឹក្សាជាមួយភ្នាក់ងារអចលនទ្រព្យជំនាញ  

ប៊ុនធឿន 21/April/2021 16:00
ទស្សនា
ចែករំលែក

ការប្រឹក្សាជាមួយភ្នាក់ងារជំនាញផ្នែកអចលនទ្រព្យ សម្រាប់ដំណើរការនៃការទិញផ្ទះ ឬ អចលនទ្រព្យនានា ពិតជាមានសារៈសំខាន់ណាស់ ជាពិសេសនៅក្នុងទីផ្សារប្រកួតប្រជែងនាពេលបច្ចុប្បន្ន។ លោកអ្នកមិនគួរចំណាយពេលដើរស្វែងរកផ្ទះដោយខ្លួនឯងនោះទេ ព្រោះមានភ្នាក់ងារជំនាញដែលអាចជួយលោកអ្នកបានក្នុងការរកទីតាំងល្អៗ ហើយសមស្រប។

ខាងក្រោមនេះ គឺជាអត្ថប្រយោជន៏ត្រួសៗដែលភ្នាក់ងារអចលនទ្រព្យផ្តល់ឲ្យ​ដើម្បីសម្រេចចិត្តទិញផ្ទះ៖

1 – រកទីតាំងអចលនទ្រព្យដែលល្អបំផុតសម្រាប់លោកអ្នក៖ តាមរយៈការប្រើប្រាស់ទិន្នន័យដ៏សម្បូរបែប និងបណ្តាញទំនាក់ទំនងដ៏រឹងមាំរបស់ពួកគេ ភ្នាក់ងារអចលនទ្រព្យតែងមានបញ្ជីអចលនទ្រព្យដាក់លក់ល្អៗនៅក្នុងដៃ។​ ប្រភពទិន្នន័យដ៏សម្បូរបែបនេះហើយ នឹងផ្តល់ជម្រើសល្អៗដល់លោកអ្នកដើម្បីសម្រេចចិត្តប្រកបដោយភាពត្រឹមត្រូវ។

2 – កំណត់តម្លៃទីផ្សារច្បាស់លាស់៖ អ្នកឯកទេសផ្នែកប្រឹក្សាអចលនទ្រព្យ តែងប្រកាន់ខ្ជាប់នៅក្រមសិលធម៌វិជ្ជាជីវ៖ ហើយតែងផ្តល់អទិភាពដោយធានាថាអ្នកទិញនឹងទទួលបានអចលនទ្រព្យដែលពួកគេពេញចិត្តបំផុត ដោយមិនត្រូវចំណាយលើសតម្លៃទីផ្សារនោះទេ។

3 – ចរចា​និងរៀបចំកិច្ចសន្យា៖ អ្នកឯកទេសផ្នែកប្រឹក្សាអចលនទ្រព្យ ជួយរៀបចំ​ឯកសារកិច្ចសន្យានានាដើម្បីជាប្រយោជន៍ដល់អ្នកទិញ។ កិច្ចសន្យាទិញ-លក់តែងមានច្រើនសន្លឹក និងមានភាពស្មុគស្មាញសម្រាប់អ្នកទិញជាច្រើន ដូច្នេះហើយការដែលមានភ្នាក់ងារអចលនទ្រព្យជំនាញនឹងជួយលោកអ្នកលើបញ្ហានេះ ហើយពួកគេនឹងតម្កល់​ប្រយោជន៍អតិថិជនជាចម្បង។

4 – ភ្ជាប់លោកអ្នកទៅភាគីពាក់ព័ន្ធដែលត្រឹមត្រូវ៖ នៅពេលដែលលោកអ្នកត្រូវការសេវាប្រាក់កម្ចី ត្រូវការសេវាត្រួតពិនិត្យផ្ទះ ឬអ្នកម៉ៅការឬក្រុមហ៊ុនផ្សេងៗ ភ្នាក់ងារអចលនទ្រព្យជួយភ្ជាប់លោកអ្នកទៅកាន់អ្នកជំនាញទាំងនោះ ហើយជាទូទៅរាល់ការណែនាំពីភ្នាក់ងារអចលនទ្រព្យតែងត្រូវបានប្រាកដថាអ្នកផ្តល់សេវាទាំងនោះមានគុណភាពគួរឲ្យទុកចិត្តបាន។

ការរៀបរាប់ខាងលើគឺអត្ថប្រយោជន៍ត្រួសៗប៉ុណ្ណោះនៃគុណសម្បត្តិដែលភ្នាក់ងារអចលនទ្រព្យជំនាញផ្តល់ឲ្យ។ នៅមានគុណសម្បត្តិជាច្រើនទៀត ដែលភ្នាក់ងារអចលនទ្រព្យផ្តល់ឲ្យសម្រាប់ប្រតិបត្តិការទិញ-លក់អចលនទ្រព្យ។

អត្តបទប្រភេទ៖

👉👉👉 ចុច Subscribe ឆានែល Telegram របស់ Z1News ដើម្បីទទួលបានព័ត៌មានថ្មីៗទាន់ចិត្ត

ពាក្យទាក់ទង