ភាសាខ្មែរ 
English 
ភ្នំពេញ៖ គណៈគ្រប់គ្រងនៃបណ្តាញព័ត៌មានអចលនទ្រព្យ Zillennium Media បានសម្រេចនៅថ្ងៃចន្ទ ទី ១០ខែកុម្ភៈ ឆ្នាំ២០២០ប្តូរឈ្មោះបណ្តាញព័ត៌មានរបស់ខ្លួនទៅជា Z1 News វិញដោយមានការរចនាឡូហ្គោថ្មីសម្រាប់ផ្តល់ភាពងាយស្រួលដល់ប្រិយមិត្តអ្នកអាន។
បណ្តាញព័ត៌មានយើងខ្ញុំនឹងនៅបន្តផ្តោតឯកទេសលើការផ្តល់ព័ត៌មានស្តីពីអចលនទ្រព្យដដែល ដោយយើងនឹងបន្តផលិតព័ត៌មានស្តីពីទិន្នន័យអចលនទ្រព្យដ៏សំបូរបែប និន្នាការអនាគតរបស់ទីផ្សារ និងបច្ចុប្បន្នភាពទីផ្សារអចលនទ្រព្យតាមខណ្ឌទាំង ១៤ នៅរាជធានីភ្នំពេញ និងខេត្តទាំង ២៤ នៅកម្ពុជា។
Z1 News បានសហការជាមួយស្ថាប័នស្រាវជ្រាវ ក្រុមហ៊ុនឯកជន និងស្ថាប័នឯកទេសលើវិស័យអចលនទ្រព្យធំៗជាច្រើននៅកម្ពុជា ហើយតាមរយៈកិច្ចសហការនេះ Z1 News បានក្លាយជាបណ្តាញព័ត៌មានស្តីពីវិស័យអចលនទ្រព្យដ៏គួរឲ្យទុកចិត្តបំផុតនៅកម្ពុជា។ មិត្តអ្នកអានអាចទទួលបានព័ត៌មានថ្មីៗពីបណ្តាញព័ត៌មាន Z1 News ដើម្បីធ្វើការផ្ទៀងផ្ទាត់សម្រាប់ជាមូលដ្ឋាននៃការសម្រេចចិត្តវិនិយោគដោយភាពត្រឹមត្រូវ។ ចង់ស្វែងយល់ពីវិស័យអចលនទ្រព្យកម្ពុជា សូមនឹកដល់ Z1 News។
អាស្រ័យដូចបានជម្រាបជូនខាងលើ សូមប្រិយមិត្តអ្នកអានជ្រាបជាដំណឹងពីការប្តូរឈ្មោះនេះដោយមេត្រី។
ធ្វើនៅភ្នំពេញ ថ្ងៃចន្ទ ទី១០ កុម្ភៈ ឆ្នាំ ២០២០
គណៈគ្រប់គ្រងនៃបណ្តាញព័ត៌មានអចលនទ្រព្យ Z1 News
