ក្រុមហ៊ុន វីត្រាស់ អឹព្រេហ្សល ផ្សាភ្ជាប់ដំណើរកម្សាន្តទៅ​នឹង​ការពង្រឹងសាមគ្គីភាព និងកាពារបរិស្ថាន

ហ៊ គីមសាយ 27/December/2019 15:52
ទស្សនា
ចែករំលែក

កំពង់ស្ពឺ៖ ក្រុមហ៊ុន វីត្រាស់ អឹព្រេហ្សល ខូអិលធីឌី ដែលជាក្រុមហ៊ុនវាយតម្លៃអចលនទ្រព្យឈានមុខគេមួយនៅកម្ពុជា បានរៀបចំដំណើរកម្សាន្តប្រចាំឆ្នាំ ២០១៩ រយៈពេលពីរថ្ងៃ ​ដើម្បីបង្កើនភាពសប្បាយរីករាយ និង ពង្រឹងសាមគ្គីភាពរវាងបុគ្គលិកក្នុងក្រុមហ៊ុន។

ដំណើរកម្សាន្តដែលមានអ្នកចូលរួមចំនួន ៦៤ នាក់បានប្រព្រឹត្តទៅនៅថ្ងៃទី ១៤ ដល់ ១៥ ខែធ្នូឆ្នាំ ២០១៩។

ថ្នាក់​ដឹក​នាំ​បាន​កំ​ណត់​​​​ពេល​វេលា​​​ចេញដំ​ណើរ​​នា​​វេលាជិតភ្លឺ ហើយ​​អ្នកចូលរួមទាំងអស់បានគោរពពេលវេលាយ៉ាងខ្ជាប់ខ្ជួន ដែល​សកម្មភាពនេះបានឆ្លុះបញ្ចាំងពីការតាំងចិត្តខ្ពស់របស់បុគ្គលិកក្រុមហ៊ុន ដែល​ម្នាក់ៗ​បានបំពេញកាងារប្រកបដោយទំនួលខុសត្រូវខ្ពស់ និងការសហការគ្នាបានល្អ។ នេះ​បើ​យោង​តាម​លោក លោក ភិន​ សុធារ​ នាយកផ្នែកវាយតម្លៃអចលន​ទ្រព្យ​នៃក្រុមហ៊ុន វីត្រាស់ អឹព្រេហ្សល ខូអិលធីឌី។​

លោក ភិន​ សុធារ​ នាយកផ្នែកវាយតម្លៃអចលន​ទ្រព្យ​នៃក្រុមហ៊ុន វីត្រាស់ អឹព្រេហ្សល ខូអិលធីឌី

លោក​បាន​បញ្ជាក់​ថា​​​៖​«​រាល់សកម្មភាពទាំងអស់សុទ្ធសឹងមានគោលដៅ បង្ហាញពីសកម្មភាពនៃរបៀបធ្វើការងារជាក្រុម ដូច​ជា​ការ​​រៀបចំផែនការ ចាត់ចែង ការសហការ វិធីអនុវត្តសកម្មភាព និង​ការទទួលខុសត្រូវ​។ សកម្មភាព​យើង​ក៏​មានបង្កប់​កិច្ច​ការពារបរិស្ថានធម្មជាតិ សកម្មភាពកីឡា និងសុខភាព»​។

ថ្នាក់ដឹកនាំក្រុមហ៊ុនបានជ្រើសរើសទីតាំងកម្សាន្តនៅឧទ្យានជាតិគិរីរម្យ នៃខេត្តកំពង់ស្ពឺ ជាទីដែលកម្មវិធីសប្បាយៗជាច្រើនត្រូវបានរៀបចំឡើងរួមមានដូចជា ការឡើងភ្នំជាក្រុម ការបោះជំរុំស្នាក់នៅក្នុងឧទ្យាន និងការលេងល្បែងកម្សាន្តផ្សេងៗ។

ការរៀបចំកម្មវិធីកម្សាន្តនេះឡើងក៏បានបង្ហាញពីការរីកចម្រើនរបស់ក្រុមហ៊ុនវីត្រាស់ អឹព្រេហ្សល ដែលជាក្រុមហ៊ុនក្នុងស្រុក ដែលតែងយកចិត្តទុកដាក់ និងគិតគូដល់ការខិតខំប្រឹងប្រែងរបស់បុគ្គលិក។

សូម​ទស្សនា​កម្រង​រូប​ភាព​ត្រួសៗ​ដូច​ខាង​ក្រោម

អត្តបទប្រភេទ៖

👉👉👉 ចុច Subscribe ឆានែល Telegram របស់ Z1News ដើម្បីទទួលបានព័ត៌មានថ្មីៗទាន់ចិត្ត

ពាក្យទាក់ទង