អ្នកចូលរួមជិត៨០០នាក់ នឹងបោះជំហ៊ានព្រមគ្នាទៅរកភាពជោគជ័យក្នុងនាមជាភ្នាក់ងារអចលនទ្រព្យ ៣៨០០ នាក់ដំបូង នៅកម្ពុជា

ពង្រីកតូរអក្សរ : A Decrease font size. A Reset font size. A Increase font size.

ភ្នំពេញ​៖ សិក្ខា​សាលា បណ្តុះ​ភាព​ជោគជ័យសម្រាប់ ៣ ៨០០​ នាក់ដំបូង​ក្នុងវិស័យ​អចលនទ្រព្យ បាន​ទទួល​កា​រចាប់អារម្មណ៍​យ៉ាង​ខ្លាំង​ពី​សាធារណៈជន​ដោយ​មាន​អ្នក​ចូល​រួមដល់​ទៅ​ជិត ៨០០​ នាក់ត្រឹមវគ្គដំ​បូង ហើយគ្រប់គ្នា​សម្រេច​ចិត្តព្រមគ្នា​ដើម្បី​ក្លាយ​ខ្លួន​ជា​ភ្នាក់​ងារ​អាជីព។

ក្រុម​ហ៊ុន Century 21 Zillion Holding នៅថ្ងៃពុធ ទី១៩ខែកុម្ភៈ ឆ្នាំ២០២០ បាន​រៀប​ចំវគ្គ«​បណ្តុះ​ភាព​ជោគជ័យសម្រាប់ ៣ ៨០០​ នាក់ដំបូង​ក្នុងវិស័យ​អចលនទ្រព្យ» ដោយមានការចែករំលែកចំណេះដឹងពីអ្នកជំនាញ ៧ រូបដើម្បី​តម្រង់​ទិស​ឲ្យក្លាយ​ជាភ្នាក់ងារអាជីព។

លោក​ស្រី ហ្គ្រែស រចនីហ្វុង អគ្គនាយិកា​ក្រុម​ហ៊ុន Century 21 Cambodia ដែល​ជា​ក្រុម​ហ៊ុន​មេ​គ្រប់​គ្រង​សិទ្ធធ្វើ​អាជីវ​កម្មលើ​ម៉ាក​យី​ហោ Century 21 នៅ​កម្ពុជា (​រួម​ទាំង​ក្រុម​ហ៊ុន Century 21 Zillion Holding) បាន​ឲ្យ​ដឹង​ថា​ នេះ​ជា​ឱ​កាស​កម្រ​សម្រាប់​និស្សិតដែល​ជិត​បញ្ចប់​ការ​សិក្សា​ និង​អ្នកកំ​ពុង​ធ្វើ​ការ​ឯក​រាជ្យ​ក្នុង​វិ​ស័យ​ផ្សេង​ទៀត ដើម្បី​អភិវឌ្ឍន៍​ខ្លួន និង​កែលម្អជីវ​ភាព​រស់​នៅ។ យោង​តាម​លោកស្រី​​រចនីហ្វុង ​អាជីព​ជា​ភ្នាក់​ងារ​អចលន​ទ្រព្យ​អាច​ធ្វើ​ឲ្យ​ជីវ​ភាព​​ប្រ​សើរ​ឡើង ហើយ​មាន​ឱ​កាស​ពង្រីក​បណ្តាញ​ទំ​នាក់​ទំ​នង​បាន​ល្អ​តាម​រយៈ​ការ​ជួប​​ជា​មួយ​ម្ចាស់​ទ្រព្យ​នៅ​កម្ពុជា និង​អ្នក​វិនិយោគ​ពី​ក្រៅ​ប្រទេស​ដែល​ជាអ្នក​មាន​ធន​ធាន​ហិរញ្ញវត្ថុ​ និង​ចំ​ណេះ​ដឹង​។

លោក​ស្រី ហ្គ្រែស រចនីហ្វុង កំពុងផ្តល់កិច្ចសម្ភាសន៍ដល់ក្រុមអ្នកសារព័ត៌មាន

លោក​ស្រី​ថ្លែង​ថា​៖«​នេះ​ជា​ឱកាសកម្រ​សម្រាប់​​​បង​ប្អូនដើម្បី​​កែប្រែ​ស្ថាន​ភាព​ជីវ​ភាព និងដើម្បី​​ជួយ​ដល់​ម្ចាស់​ទ្រព្យ​នៅ​កម្ពុជា។​ ភ្នាក់​ងារ​អចលន​ទ្រព្យ​ដែល​មាន​វិជ្ជា​ជីវៈទាំង ៣ ៨០០ នាក់​​នឹង​ជួយ​បង្កើន​ទំ​នុក​ចិត្តដល់​វិនិយោគិន​មក​លើ​វិ​ស័យ​អចលន​ទ្រព្យកម្ពុជា​ ព្រម​ទាំង​មាន​ឱ​កាស​ទទួល​បា​ន​ការ​បណ្តុះ​បណ្តាល​បន្ថែម​ទាំង​កម្រិត​ជាតិ និង​អន្តរ​ជាតិ ឬ​​​ទៅទស្សនៈ​កិច្ច​នៅ​សា​ខា​ Century 21 នៅ​ក្រៅ​ប្រទេសដូច​ជា​ អាមេរិក ជប៉ុន ឬ​ចិន​ជា​ដើម»​។

វា​គ្មិន​ជំ​នាញ​ដែល​បាន​ចូល​រួម​វគ្គ​ «​បណ្តុះ​ភាព​ជោគជ័យសម្រាប់ ៣ ៨០០​ នាក់ដំបូង​ក្នុងវិស័យ​អចលនទ្រព្យ» បាន​លើក​យក​ប្រ​ធាន​បទ​គន្លឹះជាច្រើន​សម្រាប់​អាជីព​ជា​ភ្នាក់​ងារ​អចលន​ទ្រព្យ​ដែល​រួម​មានដូច​ជា ប្រ​ធានបទ​ទាក់ទង​នឹងជំនាញ​ផ្នែក​ទំនាក់​ទំ​នង ជំ​នាញ​ផ្នែក​លក់ និងប្រ​ធាន​បទ​ទាក់​ទង​នឹង​​ឥទ្ធិពល​នៃ​ការ​វិវត្តន៍​នៃ​បច្ចេកវិទ្យា​លើ​វិ​ស័យ​អចលន​ទ្រព្យ​ជា​ដើម។

អ្នកចូលរួមជិត ៨០០ នាក់បាន​បង្ហាញការចាប់អារម្មណ៍ខ្លាំងពីការរៀបចំវគ្គបណ្តុះបណ្តាលទ្រង់ទ្រាយធំ​នេះ

​វាគ្មិន​ជំ​នាញ​ទាំង​ ៧រូប​រួម​មាន​​លោក​គ្រូ​ ឃីម សុខហេង ដែល​ជា​ស្ថាបនិក​វិទ្យាស្ថានសិក្សាដើម្បីជោគជ័យ លោក ឌិន សុមេធារិទ្ធ ស្ថាបនិក និង​អគ្គនាយក​ភូមិ​ផ្កាត្រកួន លោក ច្រឹក​ សុខនីម ប្រធាន​សមាគមអ្នក​វាយ​តម្លៃ និង​ភ្នាក់​ងារ​អចលនវត្ថុ​កម្ពុជា លោក នាក់ សមសែន សហស្ថាបនិក​ និង​ជា​នាយកប្រតិបត្តិក្រុម​ហ៊ុន RENT KH លោក​ ​ ព្រាប កុល អគ្គរដ្ឋទូត​ដើម្បី​សន្តិភាព នៃសន្តិភាពសាកល​ លោក សោម សម្បត្តិ​ អគ្គនាយក​ប្រតិ​បត្តិ​ក្រុម​ហ៊ុន​ ខាំ-ផែន (ថ្នាំពណ៌ជាតិ) និង លោក ជី សិលា ស្ថាបនិក​ក្រុម​ហ៊ុន Sabay Digital Corporation។  

ពីឆ្វេងទៅស្តាំ – លោក ព្រាប កុល លោកគ្រូ ឃីម សុខហេង លោកច្រឹក សុខនីម លោក គុយ វ៉ាត លោក ជិន ភា រុំ លោក ឌិន សុមេធារិទ្ធ លោក ជី សិលា លោក នាក់ សមសែន និង លោកស្រី រចនីហ្វុង

​យោង​តាម​លោក​ស្រី រចនីហ្វុង ​​តម្រូវ​ការ​ដី​ធ្លី​កំពុង​មាន​ការ​កើន​ឡើង​ខ្លាំងនៅ​គ្រប់​តំ​បន់​នៅ​កម្ពុជា ដោយ​សារ​កំ​ណើន​គម្រោង​វិនិយោគពី​អ្នក​បណ្តាក់​ទុន​​ទាំង​​​ក្នុង​ និង​ក្រៅ​ប្រទេស​។ កំ​ណើន​នេះ​ តម្រូវ​ឲ្យ​ក្រុម​ហ៊ុន Century 21 Zillion Holding ដែល​ជា​ម៉ាក​យី​ហោ​ក្រុម​ហ៊ុន​អចលន​ទ្រព្យមាន​ដើម​កំណើត​ពី​​អាមេរិក​ ​បើក​សាខា​ថ្មី​បន្ថែម​​ ៣៨ (១៤ ខណ្ឌនៅ​ភ្នំពេញ និង​២៤ ខេត្ត​) ហើយ​ត្រូវ​ការ​ជ្រើស​រើស​ភ្នាក់​ងារ​ ៣ ៨០០ នាក់​។

អ្នក​នាង រិន ធីតា អ្នក​ចូល​រួម​ម្នាក់​ក្នុង​ចំ​ណោម​ ៨០០ នាក់​គឺ​ជា​អាជីវករ​នៅខេត្តកំពង់ចាម ហើយ​បាន​ចំ​ណាយ​ពេល​និង​ថវិការ​ផ្ទាល់​ខ្លួន​ ដើម្បី​បាន​ចូលរួមវគ្គបណ្តុះ​បណ្តាលនេះ​។ អ្នក​នាង​បាន​បង្ហាញ​ចំ​ណាប់​អារម្មណ៍​​ខ្លាំង​ក្នុង​ការទទួល​បាន​ការ​​រីក​ចម្រើន​ពី​វិ​ស័យ​អចលន​ទ្រព្យ​ និង​ចង់​ក្លាយ​ខ្លួន​ជាភ្នាក់ងារអាជីព។

អ្នកនា​ង​បញ្ជាក់​ថា៖​«​គ្រាន់​តែស្តាប់ការចែករំ​លែករបស់ពួក​គាត់ភ្លាម ខ្ញុំចាប់អាម្មណ៍កាន់តែ ខ្លាំងដើម្បីឈានទៅក្លាយជាភ្នាក់ងារដ៏ជោគជ័យ។ ទីផ្សារ​ដីធ្លី​នៅ​ខ្មែរ​យើង តែងតែ​មាន​ការ​រីក​ចម្រើន​ជានិច្ច​ដូច្នេះខ្ញុំ​គិត​ថានេះជាឱកាស​ល្អ​ដើម្បី​ចាប់​យក​ការ​រីក​ចម្រើន​នេះ​»។

លោក វុត្ថា ពន្លក ដែល​បាន​ចូល​រួម​សិក្ខាសាលានេះដែរ​គឺជានិសិត្យឆ្នាំទី ៤ ផ្នែកទីផ្សារ​នៅសាកលវិទ្យាល័យមួយនៅ​ភ្នំពេញ បានសម្រេចចិត្ត​ចុះ​ឈ្មោះ​ភ្លាមៗ​ដើម្បី​ក្លាយ​ជាភ្នាក់ងារអចលនទ្រព្យ​ជា​មួយ Century 21 Zillion Holding ដោយ​ជ្រើសរើស​ទីផ្សារខេត្តកំពង់ស្ពឺ។

លោក ពន្លក លើកឡើងថា៖«​កំពង់ស្ពឺមាន​ដីល្អៗច្រើន ព្រោះ​ជាទីតាំង​សម្រាប់រោងចក្រ និង​តំបន់ឧស្សាហកម្ម​ផ្សេងៗ។ ខ្ញុំជឿថាអាជីពក្នុងវិស័យ​អចលនទ្រព្យ​ល្អ ហើយអាចរកលុយបាន​ច្រើន ​អាចដល់​ខ្ទង់​ម៉ឺ​ន​ដុល្លារ​ក្នុង​មួយ​ឆ្នាំ​ បើ​យើង​ចាប់យក​អាជីព​នេះឲ្យ​ពេញ​លេញ»៕

Leave a Reply

Your email address will not be published. Required fields are marked *